La cucina scavolini ai tempi dei nostri nonni

NOI CHE... I MIGLIORI ANNI

 NOI CHE...

I MIGLIORI ANNI

‘U Panuzzu paisanu

‘U Panuzzu paisanu

Quannu lu suli astuta lu braceri,

c’è cu ritorna ‘a casa pi mangiari,

c’è cu ‘nta chiesa dici li prieri,

c’è ‘nveci cu ‘ncumincia a travagghiari.

Lu chiù puntuali è sempri ‘u panitteri

prontu di prima sira pi ‘mpastari,

tutta la notti nun si tira arreri,

c’havi tanti gintuzzi di sfamari.

Usa la megghiu acqua di funtana,

di lu frummentu bonu la farina

e la buntà di la so arti arcana;

poi quannu ‘a notti mori, ogni matina,

mentri ‘nta chiesa sona la campana,

la genti accatta dda dilizia fina.

" LI MISI DI L'ANNU "

LI MISI DI L'ANNU

- Jnnaru siccu, massaru riccu,

 quannu Dicembri lassa lu lippu.

- Frivaru è curtuliddu,ma nuddu è chiù 

tintu d'iddu: 

si ci furria lu cappeddu,nun t'affacciari 

dû purteddu.

- Marzu conza e guasta, nè guvernu c'è chi basta.

- Aprili lu duci durmiri,né livari e nè mittiri.

- Maggiu,mettiti 'n casa ligna e furmaggiu.

- Giugnu umidu e cauriusu: lu viddanu é fistusu.

- Lugliu tribbiaturi,quanta 'razia dû Signuri.

- Austu, guai a cu' nun àvi 'a testa a postu.

- Sittembri caudu e asciuttu,maturari 

fa'ogni fruttu.

- Ottobri voli simina e vinnigna: scegli li jorna e 'rattiti la tigna.

- Nuvembri ghiacciatu, addiu siminatu.

- Dicembri 'ccupunatu,cuntadinu furtunatu.

Traduzione :

I Mesi Dell'Anno

Gennaio secco ,massaio ricco

Quando Dicembre lascia il lippo

Febbraio è corto,ma nessuno è più meglio 

degli altri:

se gira il cappello, non ti affacciare 

dalla finestra.

Marzo aggiusta e guasta, non c'è 

governo che basti.

Aprile il dolce dormire. ne togliere e mettere.

Maggio, mettere in casa la legna e formaggio.

Giugno umido e afoso: il villano è festoso.

Luglio trebbiatura, quanta grazia del Signore.

Agosto, guai chi non ha la testa a posto.

Settembre caldo e asciutto, 

maturare fa ogni frutto.

Ottobre vola semina e vendemmia: scegli i giorni è grattati la testa.

Novembre ghiacciato, addio seminato.

Dicembre accantonato, contadino fortunato .

'A PRUMISSA

'A PRUMISSA

'A PRUMISSA 

Ppi travagghiu e nno ppi fantasìa

appi a lassari la terra mia.

Chiddra sira partii ccu ‘nnenti

p'arrivari nno continenti,

ne sacchetti millecincu , 

a culletta re parenti.

Supra o strittu ri Missina

annacatu ro traghettu,

ccu ‘nduluri rintra o pettu,

salutai la mia Sicilìa 

mentri…, na lacrima ri l'occhi 

lenta, lenta, mi scinnìa

e, taljannu a Beddra Matri, 

ju prumisi di riturnari

ni la casa ri mè matri.

Tutta a notti ju viaggiai,

assittatu cu crianza

supra o trenu ra spiranza,

mentri e spaddri mi lassaja:

li cirtizzi e u Mungibeddru , 

ppi na vita ‘mpocu megghiu.

A li reci ra matina,

tra lu friddru e ‘ntimpurali,

arrivai ‘nna capitali.

P'imparari lu misteri,

ca prumissa ri stari n'annu,

sù passati quarant'anni.

Quarant'anni sunu tanti,

ora li passi sunu lenti 

e lu respiru è cchiù pisanti

e, assittatu nna sta segghia,

passu li jorna arriurdannu 

a chiddra prumissa ri stari n'annu,

e nno mè cori sempri agghiu:

la Sicilia, li biddrizzi,

lu profumu e li so cirtizzi.

                                                                          Michele Limpido                      

Traduzione:

LA PROMESSA.

Per lavoro e non per diletto/dovetti lasciare la terra mia./Quella sera partii con niente/per arrivare nel continente,/nelle tasche mille e cinquecento (lire),/la colletta dei parenti./Sullo stretto di Messina/dondolato dal traghetto,/con un dolore dentro al petto,/salutai la mia Sicilia,/mentre…, una lacrima dagli occhi/ lenta, lenta, mi scendeva /e, guardando la Madonna,/io promisi di ritornare/nella casa di mia madre./Tutta la notte io viaggiai,/seduto con creanza,/sopra il treno della speranza,/mentre indietro mi lasciavo/le certezze e il Mongibello/ per una vita un po' migliore./ Alle dieci del mattino,/tra il freddo ed un temporale,/arrivai nella capitale./Per imparare il mestiere,/con la promessa di stare un anno,/son passati quarant'anni./ Quarant'anni sono tanti,/ ora i passi sono lenti /e il respiro è più pesante /e, seduto su questa sedia,/passo le giornate ricordando/a quella promessa di stare un anno/e nel mio cuore sempre ho/la Sicilia, le bellezze,/ il profumo e le sue certezze/.

"A barca mei " La barca mia

A barca mei

'a barca mei, è megghiu ri 'na casa,

sulu a mmìa mi viri,e mi cunzula, 

ogni matina ncì rugnu 'na 'llìscijata 

'na pinnellata, nta la scorciatina.

Di li culuri megghiu ssì pittata, 

chi mentunu 'llìgria, nta 'stu mari,

avanzi arretu passa 'na jurnata

passa lu musi, eppuru la me' vita.

Tu ssì, la me' cumpagna ri 'na vita, 

tu ssì pi mmìa 'a megghiu 'nnàmurata,

timpesti anzemi tanti di passammu... 

u' suli e l'acqua i cielu ndi gùrimmu

"rrirendu puru senza, nuddhu ritegnu "

o' sciutttu ora jeu ti tiru e mentu, 

mi curcu nto me lettu e 'aju u' pinzeru, 

'i tia chi ssì sula, tirata nta marina, 

chi spetti a mmìa o' brisciri a' matina.

Ma ora è tardu ti ricu bonanotti,

mi raccumandu non cacciari l'occhi, 

a prua sempri pronta, vers'o mari 

su' stancu mortu ... rumani 'im'a varari.

                                                                                                     Cosima Cardona

L'OMU SENZA LA DONNA (L'UOMO SENZA LA DONNA)

L'OMU SENZA LA DONNA

L'omu àvi la varba e si senti impurtanti

l'omu senza la donna nun iè nenti

iè comu na cosa inutili e vacanti

comu un rastiddu ca nun avi denti

La donna duna all'omu la 'mportanza

ci dà lu fruttu di la so simenza

ci duna gioia, ci duna pristanza

e l'arricchisci di la so prisenza

L'omu senza la donna è lampadina

ca manca la currenti e nun adduma

cumu lu sciumi quannu fa la china

sdirrupa vuschi e inchi li vadduna

L'omu senza la donna è un carritteri

ci manca lu cavaddu ppì 'mpaiari

picchissu l'omu cerca la muglieri

ppì lu carrettu putiri tirari

L'omu senza la donna è maidduni

iè na maidda ca nun 'mpasta pani

iè nu marruggiu senza lu zappuni

iè un campanariu senza li campani

L'omu senza la donna è un canniliri

manca lu micciu e nun si po' addumari

ora amicu ti lu vogghiu diri

l'omu senza la donna nun sa' stari.

                                                                                                                      Pino Vizzini

Traduzione:

L'UOMO SENZA LA DONNA

L'uomo ha la barba e si sente importante

l'uomo senza la donna non è niente

è come una cosa inutile e vuota

come un rastrello che non ha denti.

La donna dona all'uomo l'importanza

gli dona il frutto del suo seme

gli dona gioia,gli dona prestanza

e lo arricchisce della sua presenza.

L'uomo senza la donna è lampadina

quando manca la corrente e non accende

come il fiume quando fa la piena

distrugge boschi e riempie le valli.

L'uomo senza la donna è carrettiere

gli manca il cavallo per balzare

per questo l'uomo cerca la compagna

per il carretto poter tirare.

L'uomo senza la donna è un mastello

è una madia che non impasta pane

è un bastone senza la zappa

è un campanile senza le campane.

L'uomo senza la donna è un candeliere

manca la stoppa e non può accendersi

dunque amico te lo voglio dire

l'uomo senza la donna non sa stare!