Un cuntu

Quannu n celu 'n ancileddu, nun fa chiddu ch'àvi a fari,
lu Signuri, prestu prestu a San Petru fa chiamari.
E ci dici: “St'ancileddu, oggi ha fattu na mancanza; vallu a mettiri a lu scuru,
chiusu dintra di na stanza.
 E lu teni a pani e acqua senza autru manciari!
 E si chianci e grida forti, lassa chianciri e vuciari!” - Signuruzzu, pirdunati- dici Petru- è nicareddu. Spissu ha statu pirdunatu, n'approfitta, ora, stu beddu.
“Portatillu va, fa prestu, bonu ora ci finiu.
 E tu cchiù nun t'ammiscari, iu cumannu n Paradisu!”
 E San Petru, alleggiu alleggiu, nesci di dda murtificatu e si porta l'ancileddu ch'àvi a essiri castiatu. L'ancileddu chianci e grida nta lu scuru di la stanza:
 "Nun lu fazzu cchiù, pirdunu, pirdunati sta mancanza!
 " Nuddu a iddu s'avvicina, nuddu senti la so vuci.
 Ma di notti a Bedda Matri va e ci porta 'i cosi duci.
 (Anonimo)