Arà cummari Cuncittina bangiornu, chi vi succiriu?. Nenti cummari Giuvannina, oggi è ruminica, aspiettu a ma figghiu ca mi veni a pigghiari, mi prummisa ca mi porta 'ncampagna, accussì nun riestu sula e mangiu cu tutta a famigghia sua.
U fattu è ca su dui uri ca sugnu assittata cà, fuorsi su scurdau, oppuri sa muggheri stu fattu nun su calau. Aspiettu n'autru puzzuddu e puoi pigghiu a strata ra vanedda, casu mai intra piattu ri pasta nun mi manca. Cummari Cuncittina nun ma arrabbiati, i figghi a lu voti su fatti accussì, piggghiunu 'mpegnu, ma tanti voti pa paci 'nta famighhia fannu finta ca su scordunu. Lassumu stari cummari, nui simu matri ranni è a tutti sti cosi ci passamu i supra, sapiti ora chi facimu?. Simu tutti rui suli e 'ncattivati, viniti a casa mia ca agghiu prontu u sucu fintu e na pinna ri pasta 'mpastata sta matina. Grazie cummari, facimu cuomu vuliti vui, accussì ni facimu tanticchia ri cumpagnia.
🤗💞
Per non dimenticare
felice domenica a tutti.
✒️ Testo di Vincenzo Carnemolla
( 📸 Foto di @Tonino Trovato)
Nessun commento:
Posta un commento