L'acquasantiera

L'acquasantiera 

di Giuseppe Galfo

Nta paisieddu nicu, unni macari i iatti sapienu chi succirìa.. c'era certu Don Vastianu.. 

parrucu ra chiesa ro paisi.

 Don Vastianu avìa na furnicia ranni..comu incìa l'acquasantiera a matina ghià a sira l'acqua spirìa..

"a comu sti peni.." O paisi si ricìa ca Don Vastianu era tirchiu forti.. "nun sulu stuta i cannili prestu ma sparagna macari nta l'acqua".

 U parrucu avìa capiri chi stava succiriennu.

 Arrivatu la Ruminica duranti a missa ci rissi è prisenti..

 "L'acqua ca bbiniriciu a matina nunn'arriva a sira..ma chi è va viviti?"

 N' funnu a chiesa Ninì u babbu ro paisi arrispunnìu "Don Vastianu ma chi è babbiati..ma cui s'avissa viviri..ci sponzunu i manu tutti" 

Tutta a chiesa scoppìau a ririri.. e u parrucu arristàu a facci i fissa.. Nto paisieddu cu nun si maritava e ristava schetta purtava u pisu ro d'isunuri e re mali lingui..

 Priavunu i santi ..ri farici truvari nu beddu carusu e ri falli divintari " urazzu ri mari" (Parti ri mari riccu ri pisci ri barchi ri coralli..insomma cinu ri qualità) Nu santu in particolari priavunu S.Onofriu u Pilusu...(capiddi e varva lonca e cinu ri pila). Si era sparsa a uci intra o paisi ca era propriu u Santu "pilusu" ca si vivìa l'acqua biniritta, p'aiutari i fimmi schietti a truvari maritu.

 Era macari usanza, ppì truvari maritu, ri mittirisi nte manu ri na "majara"..(fattucchiera).. o paisi era a Gnà Pippina ca fra tanti cosi facìa na pozioni..acqua maritata(acqua biniritta)..bruoru ri lucertila e u sancu ri l'anulare ro carusu ca a schetta avissa vulutu.. 

Faciennila viviri o carusu ..chistu scìa pazzu nnammuratu. Nessunu seppi mai comu scumparìa lacqua biniritta ra chiesa ri Don Vastianu ..pirchì nessunu virìa a gnà Pippina co cuppinu ca tutti i siri s'anzaccava.. a nomu ri Diu ri l'amuri e ri S. Onofriu u Pilusu.. Quannu viriti "Majari"..vardativi l'acqua biniritta.

 Pg ..dicerie popolari.