" Marazzi stinnuti "

Marazzi stinnuti 'nto curtigghiu.

 Juornu pi juornu comu na storia ca nun 

finisci mai. 

A matina vagnati, a filinona asciutti comu 

carti 'ncamitati. 

U fierru prontu co luci ra vicina. 

Luci addumatu 'nto furnu che magghiola e che toppi, pi 'nfurnari u pani.

 "Naviti luci. 

Sulu nu cuocciu, ca puoi u ppiccicu co crauni ".

 Era na camurria cu stu luci . 

Cu s'arrustia i pipi , cu si mittia i patati 'nta cinniri caura.... 

Ma era tutta na scusa pi tastari na puntidda ri pani friscu, cauru cauru.

O nu cudduruni a 'mienzu furnu pi virri se a pasta era lievita. 

Ora u curtigghiu e' mutu e nun ci sunu causi, cammisi e pagghiazzi stinnuti 'nto filu. 

U fierru pi stirari e' attaccatu o filu ra correnti. 

E u luci ra tannura adduma sulu 'nta menti.